🏏 ग्रामीण प्रीमियर लीग २०२६ चा थरार संपला; हर्ष हॉटेल वाघळी संघ विजेता वजरोलीत क्रिकेटचा जल्लोष; एमडी वॉरियर्स आमडोशी उपविजेता, रोख बक्षिसांसह खेळाडूंचा गौरव

🏏 ग्रामीण प्रीमियर लीग २०२६ चा थरार संपला; हर्ष हॉटेल वाघळी संघ विजेता

वजरोलीत क्रिकेटचा जल्लोष; एमडी वॉरियर्स आमडोशी उपविजेता, रोख बक्षिसांसह खेळाडूंचा गौरव

नागोठणे (शामकांत नेरपगार):

नागोठणे ग्रामीण क्रिकेट असोसिएशनच्या वतीने आयोजित ‘ग्रामीण प्रीमियर लीग २०२६’ ही क्रिकेट स्पर्धा वजरोली येथील कै. मधुशेठ काळे क्रीडांगणावर उत्साहपूर्ण वातावरणात संपन्न झाली. दोन दिवस रंगलेल्या या स्पर्धेत हर्ष हॉटेल वाघळी संघाने उत्कृष्ट कामगिरी करत विजेतेपद पटकावले, तर एमडी वॉरियर्स आमडोशी संघाने उपविजेतेपद मिळवले.

या स्पर्धेत श्री मानकेश्वर प्रसन्न आमडोशी संघाने तिसरा क्रमांक मिळवला, तर आई पळसाई संघ चौथ्या स्थानावर राहिला. विजेत्या संघाला ४० हजार रुपये रोख रक्कम व आकर्षक ट्रॉफी, उपविजेत्या संघाला ३० हजार रुपये व ट्रॉफी प्रदान करण्यात आली. तृतीय व चतुर्थ क्रमांकाच्या संघांनाही ट्रॉफी देऊन सन्मानित करण्यात आले.

बक्षीस वितरण सोहळ्यास विविध संघांचे मालक, मान्यवर व ग्रामस्थ मोठ्या संख्येने उपस्थित होते. खेळाडूंच्या वैयक्तिक कामगिरीलाही गौरवण्यात आले. विकास जाधव याने मालिकावीर, समनावीर, सिक्सर किंग व पब्लिक हिरो हे मानकरी पुरस्कार पटकावले. उत्कृष्ट फलंदाज म्हणून सिद्देश तेलंगे, उत्कृष्ट गोलंदाज म्हणून करण राणे, उत्कृष्ट क्षेत्ररक्षक म्हणून आर्यन गायकर, तर उगवता तारा म्हणून संस्कृत हरपाल यांचा सन्मान करण्यात आला.

स्पर्धेचे पंच म्हणून विक्रांत पाटील, विकी इंगळे व प्रफुल्ल म्हात्रे यांनी काम पाहिले, तर समालोचनाची जबाबदारी अतिश सारले, रोहन ताडकर व योगेश जाधव यांनी समर्थपणे पार पाडली.

“स्पर्धा यशस्वी पार पाडण्यासाठी आयोजक समितीचे अध्यक्ष विश्वास गायकर, उपाध्यक्ष विकास ठाकूर, सचिव राकेश शेलार, खजिनदार दिनेश भिसे, सहसचिव राजेश दळवी, सहखजिनदार पवन म्हात्रे तसेच सदस्यांनी विशेष परिश्रम घेतले. तसेच हर्ष हॉटेल वाघळीचे मालक तुकारामशेठ कदम व प्रकाशशेठ कदम यांनी खेळाडू व मान्यवरांसाठी दिलेल्या भोजन व्यवस्थेचीही सर्वत्र प्रशंसा करण्यात आली.”

संपादक: श्री. शामकांत बाबुराव नेरपगार